Դեսպան Վլադիմիր Կարմիրշալյանի հանդիպումը Բասկերի երկրի խորհրդարանի նախագահ Բակարչո Տեխերիայի հետ

26 ապրիլի, 2021

Ապրիլի 26-ին դեսպան Վլադիմիր Կարմիրշալյանը հանդիպում ունեցավ Բասկերի երկրի խորհրդարանի նախագահ Բակարչո Տեխերիայի հետ։

Հանդիպման սկզբում դեսպան Վլադիմիր Կարմիրշալյանն իր երախտագիտությունը հայտնեց Բասկերի երկրի խորհրդարանին՝ Արցախի ժողովրդի ինքնորոշման իրավունքը սատարելու և այդ մասին ինստիտուցիոնալ հայտարարություններ ընդունելու կապակցությամբ։ Կողմերը համակարծիք էին, որ Բասկերի երկրի և հայ ժողովրդի միջև գոյություն ունեցող բարեկամական կապերը ամուր հիմք են ստեղծում քաղաքական երկխոսության ծավալման համար։

Բակարչո Տեխերիան իր ափսոսանքը հայտնեց, որ համավարակի պայմաններում հնարավոր չեղավ այց իրականացնել Հայաստան և մասնակցել Հայոց ցեղասպանության 106-րդ տարելիցի միջոցառումներին։

Հանդիպման ընթացքում դեսպան Կարմիրշալյանն ու Բակարչո Տեխերիան քննարկեցին նաև միջխորհրդարանական համագործակցության զարգացման հեռանկարները։

Դեսպան Վլադիմիր Կարմիրշալյանը նաև գրառում կատարեց խորհրդարանի պատվո հյուրերի գրքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր